kense.oo.ap@pavlodar.gov.kz
140 000 Павлодар қ., Кривенко көшесі, 25
32-21-67
телефон доверия/Call-центр
8 7182 32 19 37

Азаматтарды жеке қабылдау кестесі
Сайттың аналитикасы
Бір жылда2327988
Бір айда168953
Бір аптада32903
Кеше2367
Тәулік540
Мектеп жағдайында нәтиже сапасын қамтамасыз ету жүйесіне «Сабақты зерттеу» тәсілін енгізу
29-04-2021 09:52
Мектеп жағдайында нәтиже сапасын қамтамасыз ету жүйесіне «Сабақты зерттеу» тәсілін енгізу

   Павлодар қаласы білім беру бөлімінің әдістемелік кабинеті 2021 жылдың 27 сәуірінде № 21 мектеппен бірлесіп ZOOM платформасы арқылы онлайн режимінде семинар өткізді. Семинарға Павлодар қаласы мектеп директорларының 45 орынбасары қатысты.

   Мектеп «Мектеп жағдайында нәтиже сапасын қамтамасыз ету жүйесінде «Сабақты зерттеу» тәсілін енгізу» тақырыбы бойынша тәжірибе ұсынды. Директордың оқу ісі жөніндегі орынбасарлары Алия Адамовна Кайкенова және Дамеля Кайруллиновна Кунгозина «Сабақты зерттеу»тәсілін енгізуді дамыту бағдарламасын іске асыру бойынша мектептің жұмыс тәжірибесін ұсынды. Олар зерттеу сабақтарын өткізуге мұғалімдер тобын жұмылдырып, кәсіби дағдыларды дамытуға, тәжірибе алмасуға ықпал еткенін атап өтті. Сыныптардағы проблемалық мәселелерді зерттеу оқушылардың оқуын жақсартуға және олардың оқуға деген ынтасын, яғни білім сапасын арттыруға мүмкіндік берді.

  Бірінші (ілгері) деңгейдегі педагог-зерттеушілер Гульмира Болатовна Есмакаева мен Нина Тимофеевна Жумабаева жүйелі сабақтар сериясын өткізу бойынша практикалық тәжірибелерімен бөлісті. Семинарға қатысушылардың назарын зерттеудің проблемалық мәселелерін таңдауға аударды.

   Зерттеу жүргізудегі маңызды кезең-бақылау және талдау, бұл туралы математика мұғалімі Валентина Анатольевна Ореховская және бастауыш сынып мұғалімі Гайша Бактыбаевна Ракишева айтты. Олар бақылау парақтары мен мұғалімдердің сабақ өткізуге дейінгі және кейінгі рефлексивті есептерін ұсынды. Жас маман Аягоз ИмангалиевнаАбылкасова өзінің алғашқы тәжірибесімен бөлісіп, бірінші сессияға бақылаушы ретінде қатысып, екінші сессияның белсенді қатысушысы болуға және өз сыныбында зерттеу жүргізуге ниет білдірді. Жас педагог бұл процеске қатысу сабақты жоспарлау және оның оқушыларын оқуға ынталандыру мәселелерін шешу кезінде көмектесетінін айтты.

   Мектеп психологы Марина Куатбековна Кенесбаева «Команда құрудың тиімді жолдары мен тәсілдері» тренингін өткізіп, тимбилдинг бойынша педагогтарға ұсыныстар берді. Семинарға қатысушылар білім беру мазмұнын жаңарту мәнмәтінінде мектептің мәлімделген тақырыбы мен тәжірибесінің маңыздылығын атап өтті.